Pa Thangno pen 1996 kum in Tedem khuapi Lawibual biakinnpi ah Pr. Malsawma in Pa, Tapa, Khasiangtho min tawh tuiphumna na nei hi. Pasian a it ngiat khat ahih mah bang in A cianlai pawlpi ading in ahih theih zah in ma a pang den khat a hihi. Leitung pilsinna sang te sang in Pawlpi sang (Adventist Education) tha a pia ngiat khat a hihi.
Sianhung, Liannu, Itmuan
Pa Thangno leh Nu Ciinno te Pasian maileh mipi te mai ah 2011 kum in First Tulsa Adventist Church zang in Pr.Daniel tawh Siangtho ki ten na ong nei thei uh hi. Tuni ciang in Pasian thupha piak A Tanu hoih mahmah thum te tawh Tulsa, Oklahoma ah teng uh hi.
Minam leh Kampau cih te deidan na om het lo in Laisiangtoh thuthuk kikuppih nop leh dotnop a nei te khempeuh in Pa Thangno tawh kizom thei hi. Facebook leh Youtube pan in zong amah tawh kizom thei hi.
